Covid-19, BE heq nga lista e vendeve të sigurta 5 shtete

Këshilli i Europës ka vendosur të heqë nga lista e vendeve të sigurta për të udhëtuar 5 shtete, për shkak të përkeqësimit të situatës me pandeminë e Covid-19. ”Kosovën, Malin e Zi, Maqedoninë, Izraelin dhe Shtetet e Bashkuara të Amerikës”.

Për këtë arsye udhëtimet joesenciale nga këto vende drejt shteteve të BE janë subjekt i një ndalimi të përkohshëm. KE-ja paralajmëron se lista e vendeve do të rishikohet herë pas here nëse raportohet një përkeqësim apo përmirësim i situatës në vende të tjera.

Po ashtu KE-ja shprehet se bazuar në kriteret dhe kushtet e përcaktuara në rekomandim, që nga 30 gushti 2021, shtetet anëtare duhet të heqin gradualisht kufizimet e udhëtimit në kufijtë e jashtëm për banorët e disa vendeve të treta, mes të cilave është dhe Shqipëria.