COVID-19, Danimarka vaksinon të gjithë personat mbi 50 vjeç, planifikon të lehtësojë masat

Në një kohë kur Gjermania dhe vende tjera të Evropës planifikojnë mbylljen dhe vendosjen e masave më strikte, Danimarka po planifikon të lehtësojë masat kufizuese.

Të hënën qeveria e Danimarkës ka konfirmuar një hartë për lehtësimin e masave në muajt prill dhe maj.

Nga 6 prilli, më shumë fëmijë do të kthehen në shkolla, ndërsa një muaj më vonë do të hapen restorantet, teatrot dhe bizneset tjera.

Kryeministrja e Danimarkës, Mette Frederiksen ka thënë se shpreson të hiqen të gjitha masat pasi të gjithë mbi moshën 50-vjeçare janë vaksinuar.

Pamja e përgjithshme e rasteve në vendet e Evropës është ende e paqëndrueshme. Shumë nga vendet e mëdha të Evropës si Gjermania, Franca dhe Italia kanë parë rritje të numrit të rasteve.