Covid-19 në Europë, ISIS paralajmëron terroristët

Në një kohë që Europa duket pika e kuqe e prekur nga Covid-19, krerët luftëtarë të ISIS kanë urdhëruar së fundmi ndjekësit e tyre të mbrapshtë të evitojnë udhëtimet në Europë nga frika se mos infektohen me koronavirusin vrasës. Kulti djallëzor që ka bërë prej kohësh thirrje për sulme në Perëndim, e ka quajtur epideminë “kolerë” të dërguar nga Zoti.

Ata tashmë i thonë anëtarëve të tyre të qëndrojnë ”sa më larg nga vendi i epidemisë” e madje kanë lëshuar udhëzime për ”mbulim të gojës gjatë gogësitjes dhe teshtimës”, si dhe për larjen e rregullt të duarve.

Në edicionin e fundit të njoftimeve rutine al-Naba, ata i referohen citimeve nga Profeti Muhammed për të theksuar rrezikun e koronavirusit. Në mesazh thuhet ”Sëmundjet nuk godasin vetë por me dekret të Zotit”. Njoftimi paraljmëron se “të shëmdetshmit nuk duhet të hyjnë në tokën e epodemisë dhe të prekurit nuk duhet të dalin prej saj”.