COVID-19, Sllovenia vendos bllokim të pjesshëm për të luftuar përhapjen e virusit

Sllovenia vendosi një bllokadë të pjesshme në një përpjekje për të frenuar një shpërthim të infeksioneve të reja të koronavirusit, njoftoi agjencia sllovene e lajmeve, STA.

Në të gjithë vendin, takimet kanë qenë të kufizuara në 10 persona dhe jo më shumë se gjashtë persona mund të udhëtojnë për të punuar së bashku në një grup.

Nxënësit e rritur do të do të marrin leksione në distancë për të paktën një javë nga e hëna, e ndjekur nga një javë pushimesh, ndërsa universitetet kur ka mundësi do të kalojnë në leksione online.

Autoritetet shëndetësore e kanë ndarë vendin në ”zona të kuqe dhe portokalli”.

Shtatë nga 12 rajonet e vendit janë zona me rrezik të kuq, zona që kanë regjistruar më shumë se 140 infeksione të reja për 100 000 banorë në dy javët e fundit, ndërsa zonat portokalli regjistruan më shumë se 40 për 100 000 në të njëjtën periudhë.