Dëbimi i emigrantëve, Teksasi i ofron Trump gati 567 hektarë tokë

Zyrtarët e Teksasit i kanë ofruar ekipit të ri tranzitor të përzgjedhur nga presidenti i ardhshëm Donald Trump, plot 567 hektarë tokë, për ta përdorur si hapësire për planet e administratës së re, për deportimet masive.

Komisioneri shtetëror i Teksasit, Dawn Buckingham thotë se ende pret një përgjigje nga ekipi i Trump, pas letrës në të cilën i ofrohet Konteja Starr, si vendi i duhur për tu marrë me emigrantët dhe deportimet masive, paralajmëruar nga Trump gjatë fushatës.

“Ndoshta Trump është i interesuar për ndonjë hapësirë tjetër dhe ne kemi 13 milionë hektarë tokë në Teksas në dispozicion për planet e tij”, thotë Buckingham.

Cari i kufirit, ai që do të mbikëqyrë planin e Trump për emigracionin e paligjshëm në SHBA, Tom Homan, pritet të vizitojë Jugun e Teksas në 26 nëntor, për tu takuar atje me Guvernatorin Greg Abbott dhe ende nuk dihet nëse do të shohin nga afër edhe tokën në fjalë, në kontenë Starr.