Detaje të reja nga vrasja mizore e futbollistit, gjithçka nis nga kjo foto

Një biznesmen brazilian dhe gruaja e tij janë akuzuar zyrtarisht për vrasjen brutale të futbollistit Daniel Correa Freitas, teksa një raport mjeko-ligjor sugjeron se sportisti mund të ketë qenë gjallë kur penisi i tij ju pre.

Hetuesit kanë arritur tashmë në përfundimin se Edison Brittes duhet të paditet pasi ai rrëfeu në TV për vrasjen e 24-vjeçarit.

Të dielën, dedektivët kanë vendosur të kërkojnë dënim për vrasje kundër gruas së biznesmenit, Cristiana.

Prokurori Joao Milton Salles i tha Globo TV: “Pas analizës së hetimit, përfundimi që unë arrita ishte se kjo vrasje nuk do të kishte ndodhur kurrë në këtë mënyrë pa ndihmën vendimtare të Cristianas”. 

“Ajo thuhet se e çoi lojtarin të besonte se shakaja (për të bërë një foto pranë saj) do të ishte e padëmshme”.

Por, kjo përfundoi në mënyrë fatale për futbollistin, pasi bashkëshorti i gruas “humbi durimin” kur e pa Danielin të shtrirë në shtratin e gruas së tij.

Ai pranoi rrahjen e dhunshme dhe vrasjen e lojtarit pasi e akuzoi atë për përdhunim të gruas së tij. Disa mysafirë të tjerë në shtëpinë e familje që ishin aty për të festuar ditëlindjen e vajzës 18 vjeçare, thuhet se u përfshinë në sulm.

Prokurori Salles tha: ‘(Cristiana) e dinte karakterin e burrit të saj dhe personalitetin e tij të dhunshëm. Kur filloi sulmin ndaj lojtarit që kulmoi me vdekjen e tij, besojmë se ajo nuk u përpoq të parandalojë ekzekutimin”.