Donald Trump ka tërhequr sërish vëmendjen me deklaratën e tij. Ai është shprehur sëfundmi se vaksina antiCovid duhet të mbajë emrin e tij. Një sugjerim që ai ka thënë është se ajo mund të quhej “Trumpcine”. Kjo deklaratë ka ardhur në një nga takimet e fundit të ish-presidentit amerikan me anëtarë të partisë së tij.
Ndër të tjera Trump, foli edhe për zgjedhjet e nëntorit, ku ende ishte i zhgënjyer për atë që kishte ndodhur. Ndërkohë nuk dihet nëse pas katër vitesh Trump do të kandidojë sërish për president të Amerikës. Roli i Trump në partinë republikane, pavarësisht humbjes së zgjedhjeve të vitit 2020, është ndryshe nga ish-presidentët e tjerë të cilët kanë tentuar të tërhiqen nga qendra e vëmendjes me largimin nga Shtëpia e Bardhë.