Drogë me nëndetëse si Pablo Eskobar, kapen pesë tonë kokainë, në pranga katër kolumbianë

Pesë tonë kokainë që po transportoheshin nga Kolumbia me nëndetëse janë sekuestruar nga autoritetet Panameze. E ditur bëhet se në pranga kanë rënë katër shtetas kolumbianë.

“Pesë tonë drogë u kapën nga autoritetet në veri-perëndim të krahinës së Bocas del Toro. Droga transportohej me një nëndetëse, ndërsa në pranga kanë rënë katër kolumbianë”, bëjnë të ditur autoritetet.

Panamaja është një linjë e përshtatshme për kontrabandimin e drogës nga Kolumbia për në SHBA dhe gjatë vitit të kaluar ka arritur të sekuestrojë 91 tonë drogë, ku 77.9 ishte kokainë e 12.9 marijuanë.

Kujtojmë që kjo nuk është hera e parë që kontrabanduesit e lëndëve narkotike përdorin nëndetëset e vogla, për t’i dërguar në destinacion “pakot” e tyre.

Po kështu kishte vepruar edhe Pablo Escobar e El Chapo, që aktualisht vuan dënimin me burgim të përjetshëm në një burg në SHBA.

Cinco toneladas decomisaron las autoridades en una embarcación sumergible al noreste de la provincia de Bocas del Toro. Se aprehendieron a 4 colombianos. pic.twitter.com/lbppW77GtA

— FRECUENCIA INFORMATIVA (@frecuenciainfo1) February 19, 2020