“Duket si fundi i botës” Stuhia e rërës godet Pekinin

Një stuhi rëre përfshiu të hënën kryeqytetin e Kinës, duke e mbuluar Pekinin me një smog të verdhë në portokalli të trashë. Qyteti regjistroi një ndotje të ajrit në nivele të rrezikshme. Banorët mbanin syze, maska dhe rrjeta flokësh për të mbrojtur veten nga ajri mbytës, ndërsa monumentet si “Qyteti i Ndaluar” dhe selia e transmetuesit shtetëror morën një pamje apokaliptike.

Qeveria urdhëroi anulimin e sporteve dhe eventeve të ndryshme në shkolla, këshilloi njerëzit me sëmundje të frymëmarrjes të qëndronin brenda. Media shtetërore njoftoi se vendi u përfshi nga një stuhi rëre e ardhur nga Mongolia veriore, e cila bëri që dukshmëria të ishte e pamundur në më pak se 1,000 metra.

Mjegulla portokalli ndezi diskutimet në internet – me më shumë se 54 milion shikime në platformën e mediave sociale Weibo deri të hënën në mëngjes. Disa përdorues thanë se ajri të kujtonte filmin apokaliptik të trillimit shkencor “Interstellar”.

“Kjo stuhi rëre portokalli e kuqe e bën atë të duket si fundi i botës”, tha një përdorues i Weibo.

Ndotja në qytet ishte në nivele “të rrezikshme”, sipas faqes së internetit të monitorimit të cilësisë së ajrit Aqicn. Nivelet e grimcave të mëdha PM 10 ishin gati 20 herë më të ekspozuara, duke arritur maksimalen ditore sipas Organizatës Botërore të Shëndetësisë.