Ekspertet e gjuhës së trupit “zbulojnë” çiftin Trump

Bota E Martë, 11 Maj 2021 13:05

Bota ka sytë tek Presidenca Trump dhe familja e tij. Por për ekspertët e trupit, zonja e parë po “përdoret” nga Presidenti Trump. Në një analizë të foksuar në gjuhën e trupit, ata janë shprehur se Melania Trump, është “objekt” për burrin e saj.

Ekspertët analizuar me imtësi ditën që Donald Trump bëri betimin dhe shumë prej tyre u shprehën se kishin vënë re natyrën në dukje të ftohtë të marrëdhënies mes çiftit, sidomos në krahasim me çiftin Obama.

“Melania është një objekt për të [për Trump]”, tha Susan Constantine, një eksperte e gjuhës së trupit. “Unë nuk shoh ndonjë ngrohtësi apo dashuri të vërtetë, dhembshuri në atë marrëdhënie” tha ajo për Mic.

Vallëzimi Presidencial, sipas Patti Wood, mënyra se si ata kërcenin ishte tregues i një marrëdhënie të paekuilibruar. Presidenti i “tërhequr seksualisht nga ajo”, duke e prekur në zonën e legenit, tha zonja Wood, ndërsa zonja Trump u pa ta largonte pak nga vetja teksa ata kërcenin dhe kjo sipas ekspertes tregon që ajo nuk donte të “shkrihej me të si një partner” .

Një shembull tjetër i cili ka marrë më shumë vëmendje ka ndodhur kur ata dolën nga makina. “Është interesante se Trump doli nga makina dhe u drejtua nga shkallët dhe shtrëngoi duart me çiftin Obama në vend se të ndihmonte gruan e tij të dilte nga makina, duke e pritur atë, apo edhe të shihte prapa se ku ishte ajo”, tha zonja Wood për “Mail Online”.