Epiqendra e Covid-19, studimet e fundit vërtetojnë që është tregu…

Shkencëtarët kanë deklaruar se kanë “prova bindëse” që tregu i ushqimeve të detit dhe kafshëve të egra në Wuhan ishte epiqendra e shpërthimit të Covid-19. Dy studime të rishikuara nga studiuesit dhe të publikuara të martën rishqyrtuan informacionin nga shpërthimi fillestar në qytetin kinez.

Një nga studimet tregon se rastet më të hershme të njohura u grumbulluan rreth atij tregu, ndërsa studimi i dytë përdor informacionin gjenetik për të gjurmuar kohën e shpërthimit. Ai tregon se ka pasur dy variante të futura te njerëzit në nëntor ose në fillim të dhjetorit 2019.

Dy vjet përpjekje shkencore për të kuptuar virusin që shkakton Covid-19 u kanë dhënë këtyre studiuesve një perspektivë më të informuar. Kjo u ka mundësuar atyre të adresojnë një enigmë kryesore në të dhënat më të hershme të pacientëve. Që nga qindra njerëz që u shtruan në spital me Covid-19 në Wuhan, vetëm rreth 50 kishin një lidhje të drejtpërdrejtë dhe të gjurmueshme me tregun.

Ky hulumtim i hartës së rasteve të Covid-19 zbuloi se një përqindje e madhe e pacientëve të hershëm, pa lidhje të njohur me tregun, që do të thotë se ata as nuk punonin dhe as nuk bënin pazar atje, rezultuan se jetonin pranë tij.