Erdogan pret Trumpin me ceremoni madhështore, por presidenti amerikan ul pritshmëritë: Erdha sepse samiti mbahet në Turqi

Presidenti i Amerikës, Donald Trump mbërriti në Ankara dhe u prit në një ceremoni shtetërore nga homologu i tij Erdogan. Presidenti turk vlerësoi se pjesëmarrja e Trump i shton peshën samitit në Ankara. Trump iu rikthye kritikave ndaj aleancës dhe kërcënoi se SHBA mund të tërheqin të gjitha trupat nga Evropa. Presidenti amerikan njoftoi se ka zhvilluar biseda me Vladimir Putin dhe Volodymir Zelenskyn pas të cilave u shpreh se do të gjejnë një zgjidhje për luftën.

Në nisje të takimit dypalësh Erdogan, e cilësoi një mik të tijin homologun amerikan dhe tha se prania e tij I rrit peshën samitit të natos që do të kulmojë të mërkurën. “Dëshiroj t’i uroj mirëseardhjen mikut tim të çmuar, Presidentit Trump, i cili është bashkuar me ne dhe i ka dhënë më shumë peshë e forcë samitit që po zhvillojmë. Dua të theksoj se sa i rëndësishëm është ky samit për të cilin jemi mbledhur këtu. Fakti që sot po mblidhemi në Samitin e NATO-s në Ankara dhe që të gjithë liderët po mbërrijnë, ndërsa nesër do të zhvillojmë punimet e samitit me praninë e Presidentit Trump, i cili do t’i japë edhe më shumë peshë dhe forcë këtij takimi”,- tha Erdogan.

Trump gjeti sërish rastin për tiu rikthyer kritikave ndaj vende anëtare të natos. Aleancën e kërcënoi me tërheqjen e të gjithë ushtarëve amerikanë, nga kontinenti I vjetër. “Kam mbetur shumë i zhgënjyer nga NATO-ja dhe, sinqerisht, nëse samiti nuk do të mbahej në Turqi, ku miku im është një udhëheqës shumë i fortë, ndoshta nuk do të kisha marrë pjesë. Ne mund t’i tërheqim të gjithë ushtarët tanë nga Evropa”,- tha Trump.

Një lajm e dha sa I takon luftës në Ukrainë. Shefi i shtëpisë së bardhë konfirmoi së të hënën kishte zhvilluar biseda telefonike edhe me Vladimir Putin edhe Volodymir Zelensky-n dhe sic u shpreh të dy duan një marrëveshje e cila mund të arrihet së shpejti. “Mendoj se si Zelensky ashtu edhe Putin duan të arrijnë një marrëveshje. Është për të ardhur keq që po duhet kaq shumë kohë. Kam zhvilluar një bisedë shumë pozitive dhe të gjatë me presidentin rus Putin dhe më pas një tjetër me Zelenskyn. Besoj se do ta zgjidhim luftën, shpresoj sa më shpejt”,- tha Trump.