Europa në luftë të egër me Covid-19, në Wuhan ndizet jeta e natës

Në Europë raportohen rritje të rasteve të reja me Covid-19 nga dita në ditë, duke bërë të mendohet se vala e dytë ka goditur kontinentin e vjetër, në Wuhan jeta është rikthyer në normalitet.

I konsideruar disa muaj më parë si vatra e shpërthimi të pandemisë së re duket se Wuhan i ka harruar ato ditë.

Fotot e publikuara së fundmi në rrjetet sociale tregojnë mijëra të rinj që janë bërë pjesë e një feste madhështore në Parkun Ujor të “Maya Beach” në Wuhan duke qëndruar pranë njëri tjetrit, pa maska.

Parku i argëtimit në Wuhan u hap në muajin qershor, pasi autoritetet lokale lehtësuan masat e izolimit pas 76 ditësh përpjekje për të ulur përhapjen e virusit.