Në kushtet kur Europa po kalon të nxehtin afrikan, Australia Juglindore është goditur nga një valë e ftohtë, me temperaturat që shkojnë nga minus tre gradë në zonat malore. Një person humbi jetën pasi u zu poshtë nga një pemë. Që nga e shtuna, shërbimet meteorologjike lëshuan një paralajmërim kundër erërave të forta dhe të ftohta, borës dhe ngricave.
Sipas faqes së lajmeve australiane “ABC,” reshjet e dëborës, temperaturat e ftohta dhe kushtet e vështira të drejtimit kanë çuar në mbylljen e rrugëve në disa vende. Disa qytete raportohet se ishin mbuluar në dëborë për herë të parë në dekada.
Shumë resorte janë plotësisht të ndërprera nga dëbora dhe ekuipazhet e shpëtimit po përpiqen të pastrojnë rrugët. Shërbimi i Urgjencës deklaroi se kishte marrë 145 thirrje për ndihmë në të gjithë shtetin, kurse më shumë se gjysma e atyre thirrjeve lidheshin me pemët e thyera dhe bllokimin e rrugëve. Kujtojmë që australianët festën e ndërrimit të viteve e festojnë në brigjet e detit, mes temperaturave të larta, kur në Europë festohet nën temperatura të ulëta dhe reshje dëbore.
