Fëmijët e refugjatëve nuk dinë si përdoret një stilolaps’

Më shumë se një në pesë fëmijë të refugjatëve, sipas një studimi nuk kanë qenë kurrë në shkollë. Sipas “The Indepedent”, fëmijët e bllokuar në Greqi kanë qenë nga shkolla për mesatarisht deri në një vit e gjysmë, dhe shumë prej tyre “nuk dinë ende të mbajë një stilolaps”, sipas një studimit nga agjencia e ndihmës Save the Children.

Fëmijët sirianë kanë qenë larg shkollës për një periudhë të gjatë – me një mesatare prej më shumë se dy vjet (25.8 muaj). Fëmijët e refugjatëve afganë kanë qenë nga shkolla për një mesatare prej 10.7 muajsh.

Studimi, i kryer në veri të Greqisë, ka mbledhur informacion për rreth 130 fëmijë të moshave nga 6 deri në 17 vjeç. Disa mësues në kampet kanë ngritur klasa, por ata thonë se fëmijët tashmë kanë mbetur shumë prapa dhe kërkohet një punë e madhe.

Sacha Myers, e organizatës globale “Save The Children”, ka thënë se: “Disa mësues kanë filluar me iniciativat e tyre kurse të veçanta mësimore por me sasi të vogël të materialeve që ata disponojnë”. Një mësues i shkollës fillore nga Siria i cili tani jeton në Nea Kavala në një hapësirë në çadrën e saj ka 25 fëmijë që ndjekin mësimet e gjuhës arabe dhe kurse të matematikës. Ajo ka zbuluar se fëmijët nuk kanë mësuar asgjë për tre ose katër vjet me radhë.

Më shumë se tre të katërtat e fëmijëve refugjatë të intervistuar thanë se të shkosh në shkollë ka qenë një nga prioritetet e tyre kryesore. Nëntëdhjetë e nëntë për qind e fëmijëve dhe prindërve të anketuar thanë se lufta dhe zhvendosja ishin pengesat kryesore për qasje në arsim.

Burimi: Indepedent/Përshtati: Redjon Shtylla