Finlanda dhe Suedia në NATO, Presidenti Biden nënshkruan protokollet e anëtarësimit

Presidenti i SHBA-ve, Joe Biden nënshkroi ditën e sotme dokumentet e ratifikimit duke sjellë Finlandën dhe Suedinë një hap më afër anëtarësimit në aleancën e NATO-s.

Biden përshëndeti zyrtarisht Finlandën dhe Suedinë që bashkohen me aleancën e NATO-s të martën ndërsa nënshkroi dokumentet e ratifikimit që dhanë mbështetjen zyrtare të SHBA-së për vendet nordike që hyjnë në paktin e mbrojtjes reciproke, pjesë e një riformulimi të qëndrimit të sigurisë evropiane pas pushtimit rus të Ukrainës.

“Në kërkimin për t’u bashkuar me NATO-n, Finlanda dhe Suedia po bëjnë një zotim të shenjtë se një sulm kundër njërit është një sulm kundër të gjithëve,” tha Biden në nënshkrimin e tij teksa e quajti partneritetin “aleancë të domosdoshme”.