FOTO/ Protesta për Mahsa Aminin, nga trazirat vriten 17 njerëz. Presidenti: Urdhërova hetim

Ka marrë përmasa ndërkombëtare vrasja e 22-vjeçares Mahsa Amini nga Policia e Iranit.  Të paktën 17 persona kanë vdekur në trazirat më të rënda në Iran prej vitesh. Presidenti iranian Ebrahim Raisi, ka thënë se vdekja e vajzës në paraburgim duhet të hetohet.

Presidenti i kujtoi perëndimit vrasjet nga policia në Mbretërinë e Bashkuar dhe SHBA, duke i akuzuar për standarde të dyfishta. ”Çdo ditë në vende të ndryshme, përfshirë Shtetet e Bashkuara, ne shohim burra dhe gra që vdesin në përplasjet me policinë, por nuk ka pasur kaq ndjeshmëri”.

Sulmi i tij kundër Perëndimit erdhi disa orë pasi SHBA-ja njoftoi se do të vendoseshin sanksione ndaj policisë morale iraniane për abuzim të grave dhe shkelje të të drejtave të protestuesve.