(Foto) Si të testohen më shumë individë? Gjigandi Walmart jep zgjidhjen, hap qendrat e testimit me makinë në SHBA
Walmart të dielën hapi vendet e saj të para të testimit të koronavirusit me makinë në parkingjet e dy prej dyqaneve të saj në zonën e Chikagos.
Nisma është në partneritet me qeverinë federale me qëllim identifikimin e sa më shumë individëve të prekur me COVID-19 për parandalimin e përhapjes së shpejtë të virusit.
Fillimisht qendrat do të jenë të disponueshme vetëm për punonjësit e shëndetësisë dhe sanitarët, e më pas për të gjithë.
Në ditët e para të hapjes, qendrat punojnë me një kapacitet prej 150 testimesh në ditë, por pritet që më vonë kapacitetet të shtohen.
Stafi që punon aty vjen nga struktura shëndetësore e shteteve federalle dhe nga farmacistë të Walmart që kanë dalë vullnetarë për të punuar.
Ja si duken qendrat e hapura nga gjigandi i shitjeve me pakicë në SHBA:
