Fragmenti i raketës kineze në ‘rënie të lirë’ drejt Tokës: A duhet të shqetësohemi?

Një fragment i raketës kineze March Long 5B, i cili ka vendosur në orbitë një përbërës të stacionit të ardhshëm hapësinor kinez, po kthehet në mënyrë të pakontrolluar në Tokë.

Një pjesë e një rakete kineze, e lëshuar në 29 Prill 2021, është jashtë kontrollit, po humbet gradualisht lartësinë dhe, të paktën në lidhje me disa nga përbërësit e saj, ekziston mundësia që ajo të përfundojë të bjerë përsëri në Tokë në ditët në vazhdim.

Është faza qendrore e raketës kineze March Long 5B, e cila solli zemrën e Stacionit Hapësinor Kinez në orbitë. Ku mund të binte? Vështirë për të bërë një vlerësim për momentin. Jonathan McDowell, një astronom i cili midis veprimtarive të tij ndjek objektet në orbitën e Tokës, vuri në dukje se trajektorja e raketës sillet në një gamë të gjerësisë gjeografike që përfshin “New York, Madrid, Pekin, për të zbritur në jug të Kilit dhe mbi Wellingotn, në Zelandën e Re’.

Prejardhja e saj mund ta çojë atë në një nga këto zona, disa të banuara, të tjerat shkretëtira, megjithëse vlen të kujtohet se shumica e këtyre objekteve të mëdha përfundojnë të digjen në atmosferë. Nëpërmjet radarëve që ndjekin objektet përreth Tokës, ishte e mundur të përcaktohej që këto mbeturina të mëdha hapësinore masin rreth 30 metra gjatësi dhe udhëtojnë me një shpejtësi prej rreth 23,400 kilometra në orë. Ajo tashmë është e vendosur në një lartësi prej më pak se 160 kilometra dhe kjo do të thotë se tashmë është prekur fuqimisht nga fërkimi i shtresave të sipërme të atmosferës.

Çfarë mund të presim për ditët në vijim? Sipas Holger Krag, Shef i Zyrës së Programit të Sigurisë Hapësinore të Agjencisë Europiane të Hapësirës, ​​është e vështirë të vlerësosh se sa material mund të arrijë në Tokë pasi të kalojë atmosferën, megjithatë nuk mund të përjashtohet që 40% e saja të mbijetojnë. Ku? Vetëm në orët e ardhshme do të jetë e mundur të vlerësohet efekti i frenimit të atmosferës dhe të përcaktohen me saktësi më të madhe brezat e gjerësisë, ku mund të bjerë fragmenti i raketës. (Focus)

/ SCAN