Frikë për një shpërthim bërthamor, Finlanda i kërkon popullit që të blejë jod

Në një kohë të kërcënime për lëshimin e armëve bërthamore, qeveria e Finlandës ka dhënë rekomandime të reja për popullatën në rast të rrezatimit bërthamor. Ky shtet ka këshilluar njerëzit nga mosha 4 deri në 40 vjeç dhe gratë shtatzëna të mbajnë rezervë pilula jodi.

Pas këtij paralajmërimi nga Ministria Finlandeze e Çështjeve Sociale dhe Shëndetësisë, farmacitë në Finlandë kanë shteruar rezervat e tabletave të jodit brenda pak orësh. Siç sqaron kjo ministri në një deklaratë, aktualisht në Finlandë nuk ka tableta jodi për fëmijët nën 3 vjeç për shitje.

Finlanda nuk është i vetmi vend afër Rusisë dhe Ukrainës që do të vuante nga pasojat e një sulmi bërthamor. Në gusht, edhe qeveria rumune i bëri thirrje popullatës së saj që të blejë gjithashtu tableta jodi.