Me 20 vota elektorale, Pensilvania është çmimi më i madh në pesë shtetet e mbetura në garën presidenciale. Presidenti Donald Trump, nuk do të mund të fitojë një mandat të dytë nëse nuk fiton në këtë shtet.
Deri më tani, Biden ka thelluar përparësinë, kryesisht prej votave të dërguara me postë të cilat janë numëruar më vonë. Ashtu si dhe në shtetin e Xhorxhias, rregullorja e këtij shteti kërkon rinumërim e fletëvotimeve nëse diferenca midis dy kandidatëve është më pak ose e barabartë me 0.5 për qind të votave në total.
Pensilvania gjithashtu ka ndarë votat që kanë ardhur pas ditës së zgjedhjeve, për sa kohë ato datojnë 3 nëntor, për shkak të një çështjeje pezull në Gjykatën Supreme e cila do të vendosë nëse këto vota do të llogariten.
