Gazetarja vetëflijohet para ministrisë, autoritetet ruse akuzohen për presion

Pak ditë më parë një gazetare mjaft e njohur ruse u vetëflijua përpara Ministrisë së Brendshme ruse.

Sipas mediave të huaja, Irina Slavina, emri i vërtetë i së cilës është Irina Murakhtaeva i vuri flakën vetes vetëm një ditë pasi kishte bërë një postim ku thuhej se shtëpia e saj ishte bastisur.
Të gjithë gishtat u drejtuan drejt autoriteteve ruse, duke i akuzuar se këto të fundit ushtrojnë taktikën e presionit ndaj gazetarëve.

Kremlini i ka mohuar këto akuza, ndërsa me investigimin e çështjes do të merret vetë Bashkimi Europian.

Slavina, 47 vjeç, ishte kryeredaktore e një gazete lokale të quajtur “Koza Press”, që u vetëflijua para Ministrisë së Brendshme në Nizhny Novgorod, 400 km larg nga Moska.