Gjendet në një minierë diamanti i dytë, më i madh në botë

Është gjetur diamanti i dytë më i madh i gjetur ndonjëherë, dhe është një gur rreth 2,492 karatësh. Kjo pasuri është zbuluar në Botsvana në një minierë në pronësi të firmës kanadeze Lucara Diamond. Është gjetja më e madhe që nga diamanti Cullinan 3,106 karatësh, i gjetur në Afrikën e Jugut në vitin 1905 dhe i prerë në nëntë gurë të veçantë, shumë prej të cilëve janë në British Crown Jewels. Qeveria e Botsvanës tha se ishte diamanti më i madh i zbuluar ndonjëherë në shtetin e Afrikës jugore. Zbulimi i mëparshëm më i madh në Botsvana ishte një gur 1,758 karatësh i gjetur në të njëjtën minierë në vitin 2019.