Gjendja e Berlusconit, flasin mjekët: Ka leuçemi dhe infeksion të mushkërive
Mjekët kanë bërë me dije se Silvio Berlusconi vuante prej disa kohësh nga kanceri kronik i gjakut dhe aktualisht është në kujdes intensiv për një infeksion të mushkërive.
86-vjeçari u dërgua me urgjencë në njësinë e kujdesit intensiv të spitalit San Raffaele të Milanos të mërkurën, duke shtuar shqetësimet për shëndetin e tij gjithnjë e më të brishtë.
Në deklaratën e tyre të parë për gjendjen e tij, mjekët Alberto Zangrillo dhe Fabio Ciceri zbuluan se Berlusconi ishte diagnostikuar në të kaluarën me Leuçemi Mielomonocitare Kronike. Ata nuk specifikuan se kur u zbulua për herë të parë kanceri, duke thënë vetëm se nuk ishte akut.
“Silvio Berlusconi aktualisht është në kujdes intensiv për trajtimin e një infeksioni të mushkërive”, thanë ata, duke shtuar se sëmundja lidhej me kancerin.
