Gjermanët e Perëndimit, po shkojnë në Gjermaninë lindore

Për herë të parë prej procesit të unifikimit në vitin 1990, gjithnjë e më shumë shtetas gjermanë të pjesës perëndimore po shpërngulen drejt Lindjes, veçanërisht për shkak të imazhit tërheqës të Berlinit, sesa anasjelltas, sipas një statistike të publikuar sot.

“Prirja e konstatuar prej ribashkimit ndryshoi rishtas drejtim”, komentoi Instituti Kombëtar i Studimeve Demografike (BiB), që publikoi të dhënat për këtë çështje.

Në vitet që pasuan periudhën e ribashkimit mes RFGJ-së dhe ish-RDGJ-së (komuniste), më shumë se 200.000 persona largohen çdo vit nga Lindja për t’u vendosur në Perëndim.

Prej fillimit të dekadës së fundit, ky numër është në rënie të vazhdueshme, ndërsa numri i personave që lëvizin në kahun e kundërt po shënon rritje në mënyrë graduale. Për herë të parë nga viti 2014, bilanci në Lindje i këtij kontigjenti që kryen shpërngulje brenda terrorit të vendit është kthyer tashmë në një trend pozitiv.