Gjermania kundër Erdoğan, shfuqizon ligjin që dënon fyerjen e Liderëve të Jashtëm

Ministria e Drejtësisë e Gjermanisë ka përfunduar një projekt për të shfuqizuar një ligj penal që i mundëson Gjermanisë që akuzë qytetarët e saj me akuzën për fyerje të liderëve politikë të jashtëm, raporton Deutsche Welle.

Drafti për të shfuqizuar ligjin, erdhi pas një hetimi ndaj komedianit gjerman Jan Böhmermann për një poemë të diskutueshme që dyshohet fyese ndaj Presidentit Turk Recep Tayyip Erdoğan, ku thuhet se “ideja që përfaqësuesit e shtetit të huaj kanë nevojë për mbrojtje të veçantë kundër fyerjeve nuk përputhet me epokën”.

Drafti gjithashtu ka për qëllim për të shfuqizuar ligjin që kërkon miratimin e qeverisë federale gjermane për të hapur një hetim për vepra të tilla nga kërkesa e Presidentëve të huaj. Sipas ligjit aktual, qeveria federale duhet të autorizojë prokurorët për të ndjekur çështjen kundër dikujt që është i akuzuar për fyerje nga një udhëheqës i huaj.

Kancelarja gjermane Angela Merkel ka pranuar një kërkesë nga Turqia për të kërkuar ndjekjen penale të Böhmermann. Megjithatë, Merkel njoftoi gjithashtu se, në vitin 2018, Gjermania do të heqë pjesën e rrallë të detyrueshme të kodit penal nr 103 për fyerjet e organeve ose përfaqësueseve të shteteve të huaja – në të cilat Böhmermann është akuzuar – si rezultat i çështjes të turpshme.

Drafti fillimisht duhet të miratohet nga ministritë e lidhura dhe më pas duhet të paraqitet ministrave të kabinetit. Prokuroria hapi një hetim më 6 prill kundër Böhmermann për; “Ofendim ndaj figurave shtetërore të huaja dhe të institucioneve”. Zëdhënësi i Prokurorisë Gerd Deutschler gjithashtu tha se programi i Böhmermann mund të përbëjë “një shkelje të nenit 103 të kodit penal [Gjerman]:.për fyerjen e organeve ose përfaqësuesit e shteteve të huaja”.

Përshtati: Redjon Shtylla