Greqia s’dorëzon puçistët, Ministri turk: Vendim i padrejtë dhe politik

Ministri i Drejtësisë Bekir Bozda (Bekir Bozdağ) reagoi ndaj vendimit të Greqisë për të mos ekstraduar puçistët që morën pjesë në tentativën e grushtit të shtetit të cilët u arratisën në Greqi duke e quajtur atë të padrejtë dhe politik.

Në deklaratën e bërë në lidhje me këtë çështje nëpërmjet medias sociale, Ministri Bozda shkroi: “Ky vendim i Greqisë ka shkaktuar një dëm të madh që është i vështirë të rregullohet dhe që do të marrë shumë kohë”.

Ai bëri të ditur se vendimi në fjalë nuk mund të ndryshojë të vërtetën.

“Ky vendim i padrejtë dhe i gabuar i dhënë nga organet e drejtësisë së Greqisë nuk mund të justifikohet me asnjë ligj dhe është i pandreqshëm. Unë e ftoj edhe një herë Greqinë të heqë dorë nga ky vendim dhe ti ekstradojë Turqisë puçistët e 15 korrikut” tha Ministri turk i Drejtësisë Bekir Bozda.