Gripi bën ”kërdinë” në Itali, 1 milion të infektuar brenda 1 jave

Edhe pse rastet me koronavirus janë ulur ndjeshëm pothuajse në të gjithë botën, duke i lënë vendin gripit sezonal, ashtu si përpara pandemisë.

Italia tashmë po raporton një situatë alarmante, ku të paktën 1 milion persona janë infektuar nga gripi sezonal në 7 ditët e fundit. Lajmi bëhet i ditur nga rrjeti i monitorimit InfluNet në Institutin e Shëndetësisë.

Që nga nisja e monitorimit më shumë se 3.5 milionë persona në total janë prekur nga gripi. Për këtë arsye, Shoqata Italiane e Pediatrisë iu bën thirrje prindërve që të vaksinojnë fëmijët e tyre kundër gripit për të siguruar një mbrojtje sa më efikase.