Hillari: Unë s’kam faj për Libinë, Obama vendosi vetë

Ndërhyrja amerikane në Libi e ka lënë në kaos atë vend, por kandidatja për presidente e SHBA-ve, Hillari Klinton thotë se ajo nuk duhet të fajësohet për këtë, pasi një vendim të tillë e mori Obama.

Kështu u tha ajo simpatizantëve të saj që e fajësuan se pse nuk e ka penguar një përpjekje të tillë dhe të ndihmoj në përmirësimin e situatës në atë vend.

Kujtojmë se largimi i Muamar Gadafit nga pushteti në vitin 2011 e la Libinë mes dhunës dhe tani ajo gjendet në duart e grupeve të kundërshtarëve të qeverisë, teksa është bërë edhe një nga bazat e Shtetit Islamik.

“Në fund të fundit, vendimet për luftë e operacione të ndryshme merren nga presidenti, siç ishte edhe rasti i Libisë”, u mbrojt Hillari Klinton lidhur me këtë çështje.