Hollande: Propozimet greke serioze dhe të besueshme

Presidenti i Francës, François Hollande deklaroi se paketa e masave shtrënguese të Greqisë është serioze dhe e besueshme.

“Grekët kanë treguar vendosmërinë e tyre për të qëndruar në zonën euro”, deklaroi Hollande për gazetarët dhe shtoi se “duhet bërë gjithçka për arritjen e një marrëveshjeje të mirë, marrëveshje që është në përputhje jo vetëm me rregullat  evropiane, por edhe ato franceze”.

Roli i Francës në negociatat ka qenë shpesh në anë të kundërt me Gjermaninë e linjes se ashper dhe e përditshmja ”Le Figaro” zbuloi së fundmi se 10 zyrtarë nga Ministria e Financave në Francë ka qenë te vendosur të ndihmojnë ministrin grek të Financave, Euklid Cakalotos që të arrijë një zgjidhje të ngërçit mes Greqisë dhe kreditorëve të saj.

Greqia I paraqiti propozimin e saj Brukselit të enjten në mbrëmje, si pjesë e planit në mbështetje të kërkesën së saj për një kredi tjetër trevjeçare.

Sipas capital.gr kredia e kërkuar nga fondi I ndihmës së eurozonës, Mekanizmi Evropian i Stabilitetit, kap shifrat 53,5 miliardë euro.