Ka qenë vetë presidenti Joe Biden që ka marrë pjesë në nderim të policit të rënë në detyrë, Brian Sicknick, gjatë trazirave në Capitol muajin e kaluar.
Në nder të oficerit Sicknick u mbajt një përkujtimore solemne në Kapitol. Ai humbi jetën si pasojë e plagëve të marra në një sulm nga mbështetësit e ish-presidentit Donald Trump.
Me Zonjën e Parë në krah, Bideni u përul përpara hirit të oficerit Brian Sicknick, të cilit iu dha një nderim plot nder në ndërtesën e Kongresit të Shteteve të Bashkuara.
Sicknick u raportua se u godit në kokë me një zjarrfikëse, ndërsa përleshej me protestuesit të cilët vërshuan nëpër sallat e Kongresit.
Anëtari 42-vjeçar i forcave që mbronin institucionin e rëndësishëm amerikan gjatë trazirave humbi jetën në spital të nesërmen e protestës, duke e çuar numrin e të vdekurve nga sulmi i dhunshëm në pesë.
Flamujt mbi Kapitol u ulën në gjysmështizë në nder të oficerit Sicknick. Mijëra policë u rreshtuan në një kordon të gjatë për të përshëndetur kujtimin dhe sakrificën e kolegut të tyre.
Ky nderim i është kushtuar vetëm katër njerëzve në historinë e Amerikës: Billy Grahamit, I cilësuar një ndër udhëheqësit më me ndikim të krishterë për shekullin e 20-të, ikona e të drejtave civile Rosa Parks dhe dy oficerëve të tjerë, Jacob Chestnut dhe John Gibson.