Një avion tip Airbus A220-300 i kompanisë Croatia Airlines ka dalë nga pista në aeroportin e Split gjatë përgatitjeve për ngritje, ndërsa në bord ndodheshin 130 pasagjerë dhe pesë anëtarë të ekuipazhit.
Sipas kompanisë ajrore, pilotët vendosën të ndërprisnin ngritjen “në përputhje me procedurat e sigurisë”, duke shmangur pasoja më të rënda. Fatmirësisht, nuk raportohet për të lënduar dhe të gjithë pasagjerët janë evakuuar në mënyrë të sigurt drejt terminalit të aeroportit.
Ngjarja ndodhi teksa avioni po përgatitej të nisej nga Spliti drejt Frankfurt. Fotot e publikuara nga mediat lokale tregojnë avionin të ndalur në fund të pistës, ndërsa një prej motorëve duket i dëmtuar dhe i mbështetur në zonën me bar pranë pistës.
Në reagimin zyrtar, Croatia Airlines bëri të ditur se ekuipazhi veproi sipas protokolleve të sigurisë, por pa dhënë ende detaje mbi arsyet që çuan në ndërprerjen e ngritjes.
“Më shumë informacion do të publikohet pas kontrolleve teknike dhe procedurave zyrtare të hetimit”, thuhet në deklaratën e kompanisë.
Sipas të dhënave të publikuara nga platforma Flightradar24, avioni kishte arritur një shpejtësi mbi 240 kilometra në orë përpara se pilotët të vendosnin ndalimin emergjent.
Agjencia kombëtare kroate për hetimin e aksidenteve në transport e cilësoi ngjarjen si një “aksident serioz” dhe konfirmoi nisjen e hetimeve.
🚨 WATCH: Croatia Airlines Airbus A220-300 veers off the runway and ends up on the grass surface during an aborted take-off from Split Airport, Croatia.
The aircraft sustained damage from colliding with a marker board and runway edge lights.
All passengers and crew members are… pic.twitter.com/dcNLUFmYru
— Breaking Aviation News & Videos (@aviationbrk) May 16, 2026