Iran/3 ditë zi kombëtare, mijëra qytetarë i japin lamtumirën Gjeneralit

Rrugët e qytetit perëndimor të Iranit në Ahvaz, janë mbushur si kurrë më parë. Mijëra qytetarë janë bërë bashkë për ti dhënë lamtumirën gjeneralit të vrarë nga ushtria amerikane. Trupat e pajetë të Qasem Soleimani dhe Abu Mahdi al-Muhandis mbërritën më herët në qytet.

Një shërbim funerali për Soleimanin do të bëhet më vonë të dielën në Mashhad, në vendin e shenjtë të Faltores së Imam Reza. Irani ka shpallur tre ditë zi kombëtare në respekt të Soleimanit, i cili konsiderohet si hero kombëtar dhe është cilësuar si dëshmor nga udhëheqja iraniane. Komandanti ushtarak iranian, Qasem Soleimani u vra të premten pas një sulmi ajror amerikan.

Irani ka premtuar se do të hakmerret lidhur me vrasjen e gjeneralit, çfarë ka nxitur thirrjet për vetëpërmbajtje nga udhëheqësit botërorë, të cilët i druhen shpërthimit të luftës në rajon. Presidenti Trump tha se ai e urdhëroi sulmin që të ndalonte një luftë dhe jo për të niste një të tillë, siç u shpreh ai. Uashingtoni ka mbyllur ambasadën në Bagdad dhe ka urdhëruar qytetarët amerikanë të largohen nga vendi.