Ish-kryeministri nis punën si redaktor në një gazetë

Dikur drejtoi Italinë si kryeministër, por sot Matteo Renzi thotë se do të marrë detyrën e redaktorit të një gazete. Ai do të drejtojë Il Riformista, një gazetë e vogël e njohur për kritikat e saj ndaj sistemit gjyqësor të Italisë, një temë për të cilën Renzi ka shkruar një libër.

“Do të jem redaktor për një vit, nga 3 maji deri më 30 prill 2024 dhe më pas do të shohim se çfarë do të bëj kur të rritem”, tha politikani 48-vjeçar.

Renzi drejtoi një qeveri të majtë në vitet 2014-2016, dhe dha dorëheqjen pas humbjes së një referendumi kushtetues.