Ish-Presidenti afgan u arratis me këtë shifër marramendëse, disa i la në tokë

La popullin në baltë dhe vetë iku me 169 milionë dollarë. Ish-Presidentit të Afganistanit, Ashraf Ghani, i është ofruar azil në Dubai ”për arsye humanitare”.

Ghani u largua nga vendi ditën e dielë, ndërkohë që talebanët kishin rrethuar kryeqytetin Kabul, me arsyetimin se donte të shmangte gjakderdhjen. Ish-Presidenti i futi paratë në 4 makina dhe në një helikopter, por gjithsesi disa i la në tokë pasi nuk kishte më vend në mjete.

Fillimisht u tha se Ghani u arratis në Uzbekistan, më pas u fol për Taxhikistanin, por në fund zbarkoi në Oman. Sot Emiratet e Bashkuara Arabe njoftuan se kanë mirëpritur Ashraf Ghanin në Dubai, për arsye humanitare.