Ish sekretarit të NATO-s i refuzohet viza për në SHBA

Ish Sekretarit të Përgjithshëm të NATO-së, Javier Solana, i është refuzuar viza për periudhën 90 ditëshe për të hyrë në Shtetet e Bashkuara të Amerikës.

Sipas BBC, aplikimi i tij në Sistemin Elektronik për Autorizim të udhëtimit, është refuzuar për shkak të një vizite të tij në Iran.

Rregullat e vizave janë vendosur nga administrata e Obamës dhe nuk lidhen me ndalimin e diskutueshëm të Presidentit Donald Trump, i cili synon Iranin dhe pesë vende të tjera me shumicë myslimane.

75-vjeçari Solana ka drejtuar NATO-n nga viti 1995 deri në 1999. Ai  më vonë u bë shef i politikës së jashtme të BE-së ku dhe ka ndihmuar në negociatat e vitit 2015 për marrëveshjen nukleare me Iranin.