ISIS merr kontrollin e plotë të qytetit antik Palmira

Militantët e ISIS kanë marrë kontrollin e plotë të qytetit të lashtë Palmira pasi forcat e qeverisë siriane u tërhoqën nga zona të mërkurën më 20 maj, thonë aktivistët.

Xhihadistët avancuan që mëngjesin e ditës së mërkurë, tha Observatori Sirian për të Drejtat e Njeriut me bazë në Londër, që monitoron konfliktin në Lindje të Mesme.

Luftëtarët e ISIS sulmuan qytetin modern, që njihet me emrin Tadmur. Ky qytet është vetëm pak metra nga rrënojatantike të tempujve dhe strukturave të tjera që janë ruajtur nga UNESCO.

Kombet e Bashkuara dhe zyrtarët sirianë kanë shprehur frikën se në planet e ISIS është shkatërrimi i rrënojave, ashtu siç ndodhi me qytetin Nimrud, ku militantët shkatërruan statujat në muze.

Një pikturë e qartë e atyre që kontrollojnë Palmiran tani, që ndodhet 200 km në verilindje të Damaskut, u zbulua të mërkuën.

Agjencia siriane e lajmeve SANA, se grupet e mbrojtjes janë tërhequr nga disa lagje të Palmiras për shkak të një avancimi të madh të ISIS.

Observatori Sirian për të Drejtat e Njeriut tha se forcat siriane të sigurisë ndodheshin në lindje dhe në perëndim të Palmiras por tani po tërhiqen në një tjetër zonë.

Të paktën 100 trupa sirianë u vranë gjatë natës në luftë kundra militantëve të ISIS.

Por deri tani nuk është bërë një deklaratë zyrtare nga ISIS që ata kanë marrë kontrollin e qytetit, apo sajtet strategjike dhe burimet e naftës rreth saj.