Itali. Orteku godet hotelin, vijojnë kërkimet për 35 persona

Ekipet e shpëtimit në Itali kanë vijuar gjatë natës për nxjerrjen e rreth 30 personave të cilët ndodheshin në hotelin Rigopiano në Peskara, i cili u godit nga orteku i dëborës.

Zëvendësministri i Brendshëm Filipo Bubbico tha se ende ka shpresë për të gjetur të mbijetuar.

“Situata është shumë e vështirë, por ne ende kemi shpresë për të gjetur dikë të gjallë. Në situata të tjera të ngjashme në të kaluarën ka ndodhur, edhe pse pas shumë orësh”, u shpreh ministri Bubbico.