Joe Biden: Vaksina e Covid nuk është me detyrim

Presidenti i zgjedhur i SHBA Joe Biden është shprehur se amerikanët nuk janë të detyruar ta bëjnë vaksinën e koronavirusit kur ajo të jetë e disponujeshme në SHBA.

Qendrat për Kontrollin e Sëmundjeve (CDC) për herë të parë nxitën “përdorimin e maskës universale” brenda, përveç kur Amerikanët janë në shtëpinë e tyre.

CDC tha se SHBA “kanë hyrë në një fazë të transmetimit të nivelit të lartë” të virusit.

Biden i cili pritet të marrë detyrën në 20 janar, gjithashtu tha se ai priste që inaugurimi i tij të ishte një ngjarje e pakësuar pa turma të mëdha për shkak të shqetësimeve të koronavirusit.

“Supozimi im është që do të ketë akoma një ceremoni platforme, por nuk e di se si do të funksionojë e gjitha”, tha ai.