Kandidatja e opozitës zgjidhet Presidente

Komisioni i Zgjedhjeve në Moldavi, bëri me dije se kandidatja e opozitës, Maia Sandu ka fituar raundin e dytë të zgjedhjeve presidenciale, duke mundur presidentin aktual prorus, Igor Dodon.

Gjatë një konference për shtyp, zv/kryetari i KQZ shprehet se tashmë rezultati është i qartë, duke qenë se ka mbetur dhe një numër shumë i vogël votash për t’u numëruar.

Rezultati final do të shpallet pas 5 ditësh dhe sipas ligjeve moldave ai duhet të certifikohet dhe nga gjykata kushtetuese. Gjatë fushatës së saj elektorale, 48-vjeçarja Sandu ka premtuar se do të sigurojë më shumë mbështetje financiare nga Bashkimi Europian.