Katër raste në vetëm 24 orë, avionë e helikopterë përfundojnë të rrëzuar

Mbrëmjen e djeshme legjenda e basketbollit Kobe Bryant humbi jetën në një aksident ajror.

Helikopteri me të cilin po udhëtonte përfundoi i përplasur dhe shpërtheu në flakë duke i marrë jetën Kobet, vajzës së tij 13 vjecare dhe 8 personave të tjerë.

Por nuk është ky i vetmi aksident ajror në këtë hark 24 orësh.

Ditën e sotme një avion ka rënë në rrethin Deh Yak të provincës Ghazni, në jug-perëndim të Kabulit ndërsa në bord kishte dhjetëra pasagjerë fati i të cilëve akoma nuk dihet.

Nga ana tjetër në Iran, një avion bëri ulje emergjente duke dalë jashtë piste për shkak të një problemi. Në bord kishte 135 pasagjerë.

Ndërkohë vetëm pak minuta më parë një helikopter ushtarak ra në Adriatik pasi po bënte prova. Helikopteri ishte dhuratë e SHBA-ve për Kroacinë.