Katër shtete të mëdha në SHBA lëshojnë urdhërin: Qëndroni në shtëpi

Nju Jorku dhe Illinois, të premten u janë bashkëngjitur Kalifornisë me kërkesën ndaj dhjetëra miliona njerëzve të qëndrojnë në shtëpi si masë për parandalimin e shpërndarjes së koronavirusit në Shtetet e Bashkuara.

Kjo masë që prek më shumë se 70 milionë njerëz në SHBA, ka çuar në mbylljen e të gjitha bizneseve dhe vendeve publike përvec atyre esenciale.

Guvernatori i Nju Xhersit ka paralajmëruar masa të njëjta në kohën kur po luftohet shpërndarja e koronavirusit.

Katër shtetet që do të mbyllin së shpejti bizneset jo-esenciale, përbëjnë 30 për qind të ekonomisë amerikane.

Koronavirusi, i cili e shkakton sëmundjen COVID-19, ka vrarë 250 persona në SHBA dhe ka infektuar mbi 14,000 të tjerë.