Kievi i kërkon Bjellorusisë të ndalojë mbështetjen për sulmet ruse

Presidenti i Ukrainës, Volodymyr Zelensky, ka paralajmëruar ashpër Bjellorusinë, duke i kërkuar të çaktivizojë pajisjet sinjalizuese që, sipas Kievit, po përdoren nga Rusia për të orientuar sulmet ndaj territorit ukrainas.

Gjatë një konference për shtyp në Kiev, Zelensky deklaroi se autoritetet bjelloruse kanë afat rreth një javë për të hequr ose fikur këto sisteme, të cilat ndodhen në zona pranë kufirit me Ukrainën.

“Le t’i heqë këto pajisje, le t’i fikë. Mendoj se një javë është e mjaftueshme. Nëse nuk e bën, do ta bëjmë ne”, tha presidenti ukrainas, pa dhënë detaje të mëtejshme mbi veprimet që mund të ndërmarrë Kievi.