Kina nis fushatën për vaksinimin e shtetasve jashtë vendit

Kina do të nisë fushatën për të vaksinuar të gjithë kinezët që jetojnë jashtë vendit, sipas një deklaratë të Ministrit të Jashtëm Wang Yi.

Sipas programit Kina do të krijojë programe vaksinimi “për të administruar vaksinat kineze për bashkatdhetarët  në vendet përreth,” tha Wang në një konferencë shtypi.

Wang shtoi se Kina do të lëshojë edhe certifikata antiCovid për udhëtarët ndërkombëtarë.

“Ne do të kujdesemi për të mbrojtur plotësisht privatësinë personale dhe do të kontribuojmë në njohjen reciproke të rezultateve të testit dhe të dhënave të vaksinimit, duke lehtësuar kështu lëvizjen e sigurt”, tha ai.