Kina raporton 36 raste të reja të infektuarish me Koronavirus dhe 7 vdekje

Kina sot raportoi 36 raste të reja personash të infektuar me koronavirus, ndërsa mësohet se 35 prej tyre kohët e fundit kishin ardhur në kontinent nga jashtë.

Sipas Agjencisë së Lajmeve Xinhua, vetëm një rast i transmetuar në vend raportohet nga Provinca Guangdong.

Shtatë pacientë me koronavirus, përfshirë gjashtë në provincën Hubei dhe një në Shanghai humbën jetën ditën e djeshme.

Në një deklaratë, Komisioni Kombëtar i Shëndetit në Kinë tha se nuk raportohet vdekje nga rastet e importuara.

Janë 691 raste të konfirmuara të importuara, 20 në gjendje kritike dhe 169 raste të dyshuara, tha komisioni.

Pasi u shfaq për herë të parë në Wuhan, Kinë dhjetorin e kaluar, virusi është përhapur në të paktën 180 vende dhe rajone, sipas Universitetit Johns Hopkins me qendër në SHBA.

Të dhënat e saj tregojnë se numri i konfirmuar i infeksioneve në të gjithë botën ka tejkaluar 860.700, me numrin e vdekjeve mbi 42.300 dhe më shumë se 178.300 të shëruar.