Kinezët ndalojnë varrimin e viktimave, trupat do digjen

Viruzi kinez çdo ditë i merr jetën 50-60 personave. Trupat e pajetë të viktimave të coronavirusit duhet të digjen në afërsi të vendit ku kanë vdekur. Varrimi dhe të gjitha ritet tjera janë të ndaluara sipas autoriteteve kineze. Trupat e infektuar nuk guxojnë të transportohen në një rajon tjetër, e as të varrosen, kanë bërë të ditur zyrtarë të Komisionit Nacional për Shëndetësi. Ata fillimisht duhet dezinfektuar dhe të futen nëpër thasë që më pas të vulosen nga punonjësit shëndetësor, ku nga ai moment nuk guxojnë më të hapen. E personat e angazhuar për djegien e trupave do ta kryejnë punën e tyre me rroba speciale, që gjithashtu do të kenë mjete të veçanta transportuese.