Kishin shkuar për ski në Francë, 5 britanikë me koronavirus, mes tyre një fëmijë

Pesë shtetas britanikë janë infektuar me koronavirus, gjatë qendrimit në një qendër skijimi në Francë. BBC raporton se 4 të rritur dhe një fëmijë u diagnostikuan me virusin vdekjeprurës pasi kanë qenë në kontakt me një shtetas britanik i cili kohët e fundit ishte kthyer nga Singapori.

Ministrja franceze e Shëndetësisë, Agnes Buzyn, deklaroi se personat e infektuar, në mesin e të cilëve është edhe një fëmijë, nuk janë në gjendje kritike.

Pesë qytetarët britanikë me virus po mbahen në spitalet e Lionit, së bashku me gjashtë britanikë të tjerë që ishin në kontakt të ngushtë me ta dhe tani po monitorohen, tha ministria franceze.

Kryeministri i Francës mblodhi një takim të veçantë qeveritar të shtunën për të diskutuar hapat e ardhshëm në luftimin e virusit.

Lloji i ri i koronavirusit ka infektuar më shumë se 34.800 njerëz në mbarë globin dhe ka lënë të vdekur të vdekur 712 persona.