“Kjo nuk është Bjellorusia!” Kaos në Bullgari, xhandarmëria doli në rrugë

Mijëra qytetarë protestuan përpara Parlamentit bullgar duke kërkuar dorëheqjen e Kryeministrit Boyko Borisov dhe kryeprokurorit të vendit, Ivan Geshev.

Protestuesit hodhën vezë dhe mollë në drejtim të policisë që mbronte parlamentin bullgar dhe xhandarmëria u vendos në rrugë. Ndërsa nuk munguan thirrjet: “Kjo është Bullgaria, nuk është Bjellorusia!”

Policia ishte e pranishme në të gjitha bulevardet që të çojnë në ndërtesën e Parlamentit bullgar, ku po mbahej një seancë.

Mediat bullgare raportojnë se përshkallëzimi filloi kur protestuesit sulmuan automjetet e policisë.

Tensionet vijnë pasi policia shpërndau një tjetër protestë të premten, duke larguar qindra protestues me kamion. Pati dhe arrestime.