Një kompani britanike e shpimeve detare të naftës e gazit tha se është e gatshme të prodhojë 2,000 ventilues frymëmarrjeje në javë për pacientët e koronavirusit, duke iu bashkuar përpjekjes kombëtare në Britani për prodhimin e makinerive për trajtimin e të sëmurëve.
Ventiluesit e prodhuar nga James Fisher nuk do të përdoren për pacientë në kujdesin intensiv por kompania thotë se do të ndihmojnë në uljen e presionit për repartet e kujdesit ndaj pacientëve duke kuruar ata në gjendje para-kritike ose në kushte shtëpiake.
Kompania kryen operacione detare kërkimi energjitik dhe ka eksperiencë në prodhimin e mjeteve të frymëmarrjes për zhytësit e saj.
Kreu ekzekutiv Eoghan O’Lionaird: “Eksperienca jonë e gjatë në sistmet e gaeve të frymëmarrjes na jep një perspektivë unike për mënyrat e dhënies së oksigjenit te pacientët. Ventiluesi ynë i ri InVicto e bën këtë jo vetëm duke ndihmuar në shpëtimin e jetëve por dhe duke ruajtur rezervat e rëndësishme të oksigjenit kur furnizimi global është nën presion”.