”Konferenca e vdekjes”, çoi në prekjen e 245 mijë njerëzve me Covid-19

Kur bota u shokua nga situata në Wuhan, një konferencë bioteknologjike e mbajtur në Boston në mujain shkurt çoi në infektimin me Covid-19 të të paktën 245,000 personave të tjerë në SHBA dhe Europë. Një rast i vetëm duket se ka qenë përgjegjës për shumë nga rastet e tjera, njoftoi ekipi në Institutin Broad në Massachusetts. Studimi i tyre gjen dy viruse të veçanta të lidhura me konferencën dhe më pas gjurmon ato linja në të gjithë SHBA-në.

”U eksportua nga Boston në të paktën 18 shtete të SHBA, si dhe në vende të tjera, duke përfshirë Australinë, Suedinë dhe Sllovakinë”, shkroi ekipi, i udhëhequr nga Bronwyn MacInnis, drejtor i mbikëqyrjes gjenomike të patogjenëve në Institutin Broad.

Ekipi përdori bazat e të dhënave të virusit për të gjurmuar këto ndryshime individuale, të njohura si polimorfizma të vetme nukleotide ose SNP. Vetëm rreth 200 njerëz morën pjesë në konferencën e Biogen në Boston në fund të shkurtit, të mbajtur para se të ishin vendosur masat paraprake të përhapura pandemike.